Share on facebook
Share on twitter
Share on linkedin
Share on pinterest
Share on reddit
Share on email

Óboðinn gestur í veislu lífsins

Hefurðu upplifað eins og þú sért fastur í neikvæðum tilfinningum og hugsunum, og náir ekki að lifa lífinu þínu eins og þú vilt? Líkjum um stund lífinu við veislu og skoðum hvernig manneskjan nálgast innri þjáningu oft eins og óboðinn gest sem vísa þarf úr veislunni. Er kannski betra að nálgast hinn óboðna gest með öðrum hætti?

Ímyndaðu þér að þú bjóðir öllum vinum þínum í veislu. Vegna þess að þú vilt stóra og skemmtilega veislu þá segirðu við vini þína að þeir megi bjóða öðrum. Þegar komið er að veislunni byrja gestirnir að koma hver af öðrum þar til allir sem þú vonaðist eftir eru komnir. Þú skemmtir þér konunglega. Skyndilega hringir dyrabjallan. Í veisluna er kominn gestur sem þú vildir alls ekki að kæmi. Þetta er nágranni þinn sem er einn mest pirrandi maður sem þú þekkir, bæði dónalegur og skapvondur. Hann gengur rakleiðis inn án þess að heilsa og er leiðinlegur við gestina. Þér finnst þetta vandræðalegt og óþægilegt. Það kemur að því að þú ert búin að fá nóg og vísar nágranna þínum út.

Þegar hann er farinn er þér létt og nærð aftur að njóta þín með vinum þínum, en eftir nokkra stund heyrirðu aftur í dyrabjöllunni. Nágranninn er kominn aftur. Áður en þú getur stöðvað hann þá opnar hann dyrnar og hraðar sér til gestanna. Þú vísar honum aftur á dyr og ákveður nú að vakta útidyrnar til að tryggja að hann trufli ekki veisluna þín aftur. Þetta gengur ágætlega en eftir nokkra stund áttarðu þig á því að þú ert að missa af þinni eigin veislu. Þú heyrir í gestunum úr fjarlægð skemmta sér og vilt vera með en vegna þess að þú þolir ekki nágranna þinn þá viltu passa að hann komist ekki inn. Eftir nokkra stund áttarðu þig á því hvað veislan og vinir þínir er þér mikilvæg. Þú ferð aftur til vina þinna og ákveður að ef nágranni þinn kemur aftur þá verði bara að hafa það.

Eftir nokkra stund kemur nágranni þinn aftur og er jafn pirrandi og áður, en núna nálgastu vandamálið með öðrum hætti. Þú hendir honum ekki út og reynir ekki að hunsa hann en heldur áfram að gera það sem þú vilt gera, tala við vini þína. Eftir nokkra stund tekurðu eftir því að jafnvel þótt nágranni þinn sé þarna ertu að skemmta þér ágætlega. Það væri betra ef hann færi en þú ert allavega ekki fastur eða föst við útidyrnar og missir af veislunni. Þú tekur einnig eftir því að þegar þú ert ekki stöðugt að reyna að losa þig við hann þá róast hann svolítið og fer að sýna á sér betri hliðar, eitthvað sem þú hélst jafnvel að hann ætti ekki til. Og þú hugsar: „Hvað ætti ég að gera næst þegar slíkur nágranni bankar á dyrnar hjá mér?“

Haukur Sigurðsson sálfræðingur

Haukur Sigurðsson sálfræðingur

Gagnrýni

6 árangursríkar aðferðir við að gagnrýna

Flestum finnst óþægilegt að gagnrýna aðra og við erum oft óörugg gagnvart því hvernig er best að koma gagnrýni til skila. Ein algengasta ráðlegging um …

Lesa meira →
compliment sandwich

Hættu að bera hróssamlokuna á borð

Eins og líklega flest ykkar hef ég sinnt hlutverkum, til dæmis sem foreldri og stjórnandi á vinnustað, þar sem nauðsynlegt er að gagnrýna störf eða …

Lesa meira →
Hversdagslegar hetjur í Covid-19 faraldrinum

Hversdagslegar hetjur í Covid-19 faraldrinum

Ef þú hefur yndi af skáldsögum og bíómyndum þá er líklegt að þú hafir endurekið heillast af sögum af venjulegum einstaklingum sem, án fyrirvara, er …

Lesa meira →