Covid-19 Sálfræðileg bjargráð

Ótti er ekki besta merkið um hættu

Skynjuð hætta manneskjunnar er að stórum hluta til knúin áfram af tilfinningum. Þetta hafa sálfræðilegar rannsóknarniðurstöður sýnt í áratugi. Það sem þessar niðurstöður sýna er að við byggjum hættumat okkar oft meira á tilfinningalegri líðan frekar en gögnum, tölfræði og staðreyndum. Til dæmis þá veldur reiði því að við skynjum minni hættu. Hins vegar ýkir það hættumat okkar þegar við finnum fyrir tilfinningum sem við köllum ótta eða kvíða. Ósjálfrátt virðumst við draga þá ályktun í augnablikinu að óttatilfinning sé ábyggilegt merki um yfirvofandi hættu.

Nokkrir þættir spila lykilhlutverk í því að örva óttaviðbragðið innra með okkur:

  1. Þegar ógn sem við stöndum frammi fyrir er ný og við þekkjum hana ekki.
  2. Þegar við  finnum okkur hafa litla stjórn á ógninni.
  3. Þegar við upplifum óhugnað eins og að vera berskjölduð gagnvart skelfilegum sögum af veikindum og dauða.

Covid-19 faraldurinn uppfyllir alla þessa megin þætti sem spila lykilhlutverk í því að kveikja á viðvörunarbjöllunum innra með okkur. Það er fullkomlega eðlilegt að upplifa ótta við þessar aðstæður. En á sama tíma eru þessar viðvörunarbjöllur ekki það nákvæmasta sem við höfum til að meta hættuna sem steðjar að. Innra með okkur býr skynsemi og rökhugsun en þar finnum við mun nákvæmari merki um raunverulega hættu.

Þú kemst sem best í gegnum þessa erfiðu tíma með því að leyfa þér að líða eins og þér líður. Þær tilfinningar sem þú finnur fyrir eru eðlilegur partur af því að vera lifandi manneskja við erfiðar aðstæður. Á meðan þú finnur fyrir þessum tilfinningum, minntu þig á rökin og skynsemina. Leitaðu eftir ábyggilegum upplýsingum um ógnina og forðastu óábyrga umfjöllun. Minntu þig á hver þú ert og fyrir hvað þú stendur, og settu þér fyrir að hegða þér í samræmi við það. Taktu stjórn á því sem þú getur stjórnað.

Deildu þessum pistli á

Share on facebook
Share on twitter
Share on linkedin
Share on google
Share on pinterest
Share on email

Hlúðu að geðheilsunni í sóttkví

Fyrir ekki löngu síðan óraði okkur ekki fyrir því að standa frammi fyrir þeim fordæmalausu aðstæðum sem nú eru. Á meðan yfirvöld og við öll …

Lesa meira →

Þeir sem fylgjast meira með Covid-19 upplifa meiri hættu

Rannsóknir benda til þess að eftir því sem við lesum meira um covid-19 veiruna á samfélagsmiðlum þeim mun meiri hættu skynjum við af völdum hennar …

Lesa meira →

Þakklæti eykur hamingju

Rannsóknir í sálfræði hafa endurtekið sýnt sterk tengsl milli þakklætis og aukinnar hamingju. Þakklæti hjálpar fólki að upplifa góðar tilfinningar, kunna að meta það góða …

Lesa meira →