Vinnutengd streita áhyggjuefni

Vinnutengd streita er ein stærsta áskorun í heilbrigðis- og öryggismálum í Evrópu í dag, en hún leiðir til gríðarlegs kostnaðar í formi mannlegrar þjáningar og efnahagslegrar frammistöðu. Þetta er meðal niðurstaðna rannsóknar sem birtist í frétt á vefsíðu Vinnuverndarstofnunar Evrópu nýverið.

Vinnutengd streita verður til þegar ósamræmi er milli krafna eða álags vinnuumhverfisins annars vegar og hæfni, getu og þarfa starfsmanna hins vegar. Streita á vinnustað er því samspil starfsmannsins og vinnuumhverfisins og verður til þegar kröfur vinnuumhverfisins eru umfram það sem starfsmaðurinn hefur hæfni eða getu til þess að aðlagast.

Í netkönnun á vegum Hauks Sigurðssonar sálfræðings var spurt hvað það er sem veldur fólki streitu á vinnustað og voru niðurstöðurnar eftirfarandi:

  • 35% Vinnuálag
  • 17% Ótti við að missa starfið
  • 12% Of lág laun
  • 12% Yfirmaðurinn
  • 9% Samskipti við vinnufélaga
  • 6% Ekki starfið sem ég óska mér
  • 6% Annað
  • 2% Ekkert veldur mér streitu
  • 0% Samskipti við viðskiptavini

Rannsóknir hafa varpað ljósi á að helstu streituvaldar á vinnustað eru m.a. of mikið vinnuálag, of lítið sjálfræði í starfi, óskýr og mótsagnarkennd markmið/væntingar, erfiðleikar í samskiptum við yfirmenn og samstarfsmenn, atvinnuóöryggi og erfiðleikar með að finna jafnvægi milli vinnu og einkalífs. Þeir sem finna fyrir mikilli streitu í starfi eru líklegri en aðrir til að veikjast af ýmsum heilsufarslegum kvillum og sjúkdómum, og upplifa minni starfsánægju og lífshamingju. Mikilvægt er að fyrirtæki og stofnanir meti með reglubundum hætti sálfélagslega áhættuþætti vinnustaðastreitu og grípi til aðgerða til að draga úr slíkum áhættuþáttum.

Haukur Sigurðsson sálfræðingur

Sálrænn sveigjanleiki algengasta mikilvæga breytingaferlið

Sálrænn sveigjanleiki algengasta mikilvæga sálræna breytingaferlið

Niðurstöður einnar stærstu kerfisbundnu fræðilegu samantektar í sögu sálfræðinnar, sem nýlega birtust í tímaritinu Behavior Research and Therapy, sýna eftirtektarverðar niðurstöður um það hvað virkar …

Lesa meira →
ACT meðferðarformið

ACT meðferðarformið og byltingin í sálfræðimeðferð

Getur verið að lykillinn að bættu geðheilbrigði sé að hverfa frá hinu ríkjandi sjúkdómamódeli þar sem megin áherslan er að draga úr einkennum? Er kominn …

Lesa meira →
Jákvæðar fantasíur um framtíðardrauma hamla árangri

Jákvæðar fantasíur um framtíðardrauma hamla árangri

Í sjálfshjálparbókum og fyrirlestrum af slíku tagi er fólki kenndar aðferðir til þess að ná hámarks árangri og öðlast hamingju í lífinu. Ein þessara ráðlegginga …

Lesa meira →

Skrá mig á póstlistann

* Nauðsynlegt
Ég hef áhuga á (veldu annað eða bæði)